طلب الرضيع من امه
تفرش ع المكان
أمان
و حب
و طبطبة
و تغنى غناويها القدام
و بلاش قصصها المرعبة
لو مدت البزة اليمين
يشبع عيالها الطيبين
و ان مدت البزة الشمال
يفرحوا باقى العيال
و يهون زماننا اللى اشترالنا
بدال غنانا
مندبة
طلب الرضيع من امه
تتلفت له
تحن له
و يا ريت كمان تعيش معاه
والعمر لسة ف أوله
وبلاش تسيبه للزمن
وبلاش تسيبه للمكن
وبلاش حكاوى الغول
و حصان مهول
سلق الصبايا ف مرجله
لكن يا ريت امه تفوق
دى بقالها قرن
مغيبة
ليست هناك تعليقات:
إرسال تعليق